普通人一個👧🏻
睇咗《愛·回家之開心速遞》近6年，
算係個忠實小粉絲吧！
特別愛龔水CP，
係龔水令我睇得咁投入、咁上心！
三個字：「仍盼望」
龔水主線集數
完整龔水集數列表
FanArt & Video
龔水 529 訂婚一周年 MV💍 | 為妳鍾情 👩❤️💋👨
「人嘅一生，一直都搵緊一個人， 一個，令你/妳心動嘅人。」 龔自從再遇上媽呢空，她成為他專屬的雙下巴天使， 龔開心了很多很多，笑容燦爛了很多很多。 Kenny, Kenneth, KC, Kevin, Kim...... 水身邊曾經出現過無數個 Mr. K 水的K先生，Kung Yip， 就是金師傅所講的真命天子。 「遇上你/妳，太感恩，不遲亦不早。」 龔水，命中注定的一對。 雖然一開始彼此的距離有點遠，但並沒有斷。 幸好，有雙下巴天使的眷顧，有命運之神向龔水微笑，讓龔水沒有錯過彼此。 「人生匆匆幾十年，當中有相聚，有離別。係你/妳身邊出現過嘅，可能係多不勝數嘅人，但係最後邊個會留係你/妳身邊呢？」 找對的人；龔水，找到了。 媽呢空 & 龔 訂婚一周年快樂 💍 龔水永遠都令人心動同感動。每次重溫以前嘅集數，無論睇過幾多次都好，都覺得好暖心。 希望依個 MV，能夠感動到你。 — 2021.05.29
龔燁回水三周年 MV & 龔水福利圖集 | You are my Sunshine ☀️
8月1日，我相信對於龔水粉嚟講都屬於值得紀念嘅日子。 眨吓眼，又一年啦～ 龔燁回水三周年快樂！ 雖然龔燁唔係主角群，但可以話係開心速遞入面其中一個受歡迎嘅角色。當年由網民自行發起嘅工業行動，就係其中一個好好嘅證明！但近年龔生嘅戲分同主線，真係隔好耐好耐好耐先有一集👉🏻👈🏻 ...... 開心速遞繼續做落去，除咗想正常定期供水之外，亦希望能夠睇到更多關於龔生嘅故事。自信智慧型嘅職場龔確係吸引🤩，希望職場龔可以多啲出場啦！ #亞太區市場部總監 #拆彈專家 其實近排重溫以前嘅龔水集數，心裏總有種想喊嘅感覺， 好掛念從前龔水故事龔水戀嘅純粹...... 由2020上年開始至今，我對龔水故事嘅編排走向確係失望同無奈，睇劇嘅心態同3年幾前比較...的確變咗唔同咗...但仍然好鍾意龔水!! 都係嗰三個字：「仍盼望」💫 簡單貼地嘅龔水日常 就係大家想睇嘅故事 Let’s continue to support Kung Shui 🙌🏻 & Keep our fingers crossed🤞🏻！ — 2021.08.01
龔水 白色情人節 定情三周年 MV (上) | In Love With You 👩❤️💋👨
𝟹.𝟷𝟺 轉眼間又一年 屬於龔水fans 一個好重要嘅紀念日 三年前見證龔水一吻定情 終於...終於聽到龔生親口講 一直藏在心嘅三個字 —「我願意」 中環舊立法會大樓前 龔水二人嘅告白戲 確實係經典難忘 當晚情緒高漲、內心無比激動嘅感覺 仍歷歷在目 新婚後嘅第一個白色情人節 希望龔生龔太過得恩愛甜蜜 今次MV主要記錄龔水由重遇到定情嘅點滴 “I will always love you” 當媽呢空在職場上遇到難題時 機智龔總會默默地協助她解決 “I will never leave you” 當龔燁在人生路上遇到困局時 義氣水總會靜靜地陪伴開導他 “Our love is forever” 龔水之間嘅愛係Forever 同樣地相信大家對龔水嘅愛係永不止息 所以愛龔水嘅大家 仍好努力地堅守著 一直都在 全因是愛 沒有龔燁在身邊嘅日子 媽呢空Dry到成地頭皮啦 願龔生早日正式公幹完畢 回家與wifey甜蜜團聚 大家都好掛住你喔😭!! — 2022.03.14
龔水 白色情人節 定情三周年 MV (下) | 水的名字👰🏻 龔的姓氏🤵🏻
𝟹.𝟷𝟼 屬於開心速遞劇內 龔與水定情紀念日 當日嘅情侶關係 今日已變為伴侶 媽呢空 & 龔 三周年快樂💞 上一個MV記錄龔水由重遇到定情嘅點滴 而今個MV就主要記錄龔水由定情到結婚嘅日常 龔燁與媽呢空 2017年係接龍重遇後 性格上看似水火不容 你一句 我一句 互相鬥氣 係龔水嘅溝通相處模式 其實係定情前 龔水見到對方好嘅一面 同時亦看清對方嘅缺點 龔水嘅戀愛日常 會有甜蜜快樂嘅時光 亦有吵鬧傷心嘅時刻 但無論是甜是苦 是喜是悲 不變嘅係龔水之間嘅愛意 每次沉靜過後 總會搵返對方 總有一方願意體諒包容對方 總有一方願意踏出為對方作出改變 重點 在於溝通 因為愛 一人一步 互相付出 “竟跟你 多相擁一次便愛多一次“ 抱一抱 捉雙手 Sorry喔 然後依舊甜蜜恩愛 這 就是龔水 新婚嘅龔水 仍在學習道路上 願龔水夫婦手牽手繼續努力 共同成長變得更好 「妳可唔可以應承我，無論發生啲咩事，妳唔好離開我」 「無論妳係點都好，我以後都想同妳一齊行落去」 「水水，妳着起婚紗好靚呀，妳今日出嫁啦，媽咪好開心，妳終於搵到一個可以付托終身嘅人，希望水水，妳同龔燁以後相親相愛，兩個人永遠拖住對方嘅手，無論遇到咩嘢困難、咩嘢風浪，都唔好放手，一齊走到白頭。」 龔燁 係媽呢空命定嘅 K先生 Kung Yip 係媽呢空唯一嘅男主角 媽呢空 係龔燁專屬嘅雙下巴天使 係龔燁唯一嘅女人 龔與水 唯獨你是不可取替 故事平淡 但當中有你 已經足夠 一直滿滿祝福龔水💫 龔水加油加油 🙌🏻 衷心希望你們平安過渡🙏🏻、一切安好🧡💙 — 2022.03.16
✍🏻唔該，要杯「龔水」多甜🍯 | 520 快樂🥰
𝙷𝚊𝚙𝚙𝚢 𝟻𝟸𝟶！ 送上甜蜜冒險之作 一片記錄KS四年半合作點滴 KS 一快一慢 一凹一凸 性格如此不同 但兩個拍埋一齊 卻有意想不到嘅火花 默契合拍程度毋庸置疑 佢哋嘅互動神奇地有種好自然嘅合拍感 喺我心目中絕對絕對係獨一無二嘅最佳拍檔 回望過去幾年間佢哋走過嘅路 兩個戲裏戲外都遇過無數考驗 臨臨種種嘅難關 高高低低嘅起跌 實在不容易 但慶幸無論發生什麼事 身邊的他和她仍堅定給予支持 不論是在眾人前挺身而出保護 或是在背後默默地守護 彼此成為彼此密不可分嘅戰友 時而甜蜜 時而調皮 時而打鬧 笑過哭過 悲喜交集 不知不覺間 互相影響着 要變就變得更好！ 愛在細節中 珍惜最重要 願往後嘅日子 工作一切順利 生活幸福快樂 有更多甜蜜美好嘅回憶 繼續一起經歷KS嘅經歷 為快樂設想 一直滿滿祝福你倆🧡💙 ☀️期待更多🌻 KS繼續一齊加油喔！ — 2022.05.20
Blog
Meet with KS
2021.06.19 晚 - 06.20 凌晨
2019年兩年前嘅4、5、6月，我心思思想去開心速遞公開宣傳活動，但當時嘅我係非常之怕羞🙈，最終選擇留係屋企睇bbc live......結果......結果就錯過咗大好機會去現場參與支持我一直欣賞嘅龔水cp😢......
無諗過兩年後，小莓終於有幸能夠見到Stanley & 蟹蟹真人啦🤩！
願望成真🧞♂️，畢生難忘🥰 !!!
難得開心速遞演員上紅館舞台做嘉賓表演，仲有我最愛嘅龔水cp，當然希望能夠去捧場啦！雖然當晚有事未能入場內支持感受現場氣氛，不過都無阻我去見佢哋嘅心，完咗後就立即趕去紅館場外碰碰運氣睇吓有冇機會見到面～
成日見大家話KS真人比起上鏡更加靚，小莓終於有機會親眼見到佢哋🤩，嗯嗯，千·真·萬·確，有如大家所講，係非常靚仔靚女！
Stanley x 小莓
Stanley一身簡單嘅裝束已經好型又醒神😎，真心係好·靚·仔☺️!!
睇埋演唱會表演時臉上開心自信 enjoy the show 嘅笑容，更加靚仔！
當晚亦感受到Stanley嘅細心，佢會提議邊個方向影比較好，影影下突然熄咗燈，佢會主動問需唔需要再影過！
Stanley手上其實一直拎住好多嘢，仍單手同大家簽名影相到最後呢！
蟹蟹 X 小莓
蟹蟹樣貌配上當晚set嘅髮型，好有少女感覺呢，真心係好·甜·美☺️!!
歡樂蟹常常親切迷人嘅笑容同埋識笑嘅眼睛，我每次見到都覺得好治癒🤩！
當晚亦感受到蟹蟹嘅貼心，同大家影相時會烏低少少就翻fans嘅高度，係溫暖嘅感覺啊！
ks x fans
之前有日無聊係度諗，若果有幸俾我見到KS真人，我會同佢哋講啲咩呢？
其實等待期間我係幾活躍同其他fans傾偈傾到好hyper😆，但當見到KS真人嘅時候，我頓時進入咗怕羞沉默mode😅，個嘴好似俾膠水黐實咗咁😂，係佢哋面前...我係接近一粒聲都冇出過🤣...然後返到屋企睇翻啲相，我個樣又真係幾緊張下有點僵硬🤣。可能我怕羞之如亦被電親出唔到聲🤣，然後忘記了講聲自己係邊個小粉絲，唔知Stanley蟹蟹簽名時有冇啲啲印象呢～哈哈下次再有機會見面嘅時候，我會嘗試大膽啲㗎啦！
其實一直都想多謝你哋，不過當晚太緊張未有親口講🙈好多謝蟹蟹出售後，多謝妳曾repost小莓製作嘅龔水作品story💛！好多謝Stanley曾repost story & 俾個like小莓畫嘅龔水畫作post💛！
嗯，KS的確係靚仔靚女，而我更欣賞佢哋戲內用心嘅演出！以前我有睇正劇直播，都有睇過Stanley & 蟹蟹曾參演過嘅劇集，亦有留意佢哋所飾演嘅角色。
我腦海裏比較有印象嘅有：
- Stanley -
心路GPS➡️康仔、師奶Madam➡️黑仔倫(仲好記得當時睇live覺得依個角色好可愛😛)、
天與地➡️家明、使徒行者2➡️飛機哥(反派角色個性鮮明確實演得好好)；
- 蟹蟹 -
隔離七日情➡️Judy、一屋老友記➡️余花、親親我好媽➡️Princess Rebecca
(雖然角色性格唔係咁討好，但的確演到驕媽嘅感覺令我睇到好入戲)。
直到處境劇開心速遞，我唔單只對龔水角色有印象，亦因為好鍾意角色而開始留意兩位演員嘅新聞專訪、ig live，進一步認識演員本人。
龔燁 x 張景淳 Stanley
龔燁以醒目賤精先生嘅人設出場，官仔骨骨，配戴一副金絲眼鏡，有種斯文敗類嘅感覺，但奸得嚟帶點調皮，拍拖前同水水小學雞鬥氣真係好過癮。 我以前好少會去了解演員，當我兩年幾前透過Stanley ig live知道佢真人性格同龔燁係相反之後，我好驚訝真心佩服👍🏻，證明Stanley有認真揣摩角色並掌握到角色嘅神髓，真係用演技演活龔燁👏🏻。 由飛機哥開始到龔燁，我特別欣賞Stanley嘅內心戲，每次睇嘅時候都令我有揪心嘅感覺，個心拿住拿住咁，感受到角色內心深處複雜嘅情緒。 眼神、面部微表情拿捏到位，吸引我反覆重溫Stanley細緻嘅演繹，好正。 開心速遞裏有好多幕嘅細節位我都鍾意，挑選咗幾幕同大家好戲重溫 !
Konnie x stanley
龔水之所以受歡迎，全盛時期吸納到咁多fans鍾意，除咗以前嘅劇本好之外，兩位演員嘅努力功不可沒。一來一往嘅對白，自然唔過份刻意設計嘅小動作，整個節奏都配合得非常之好，兩位三年幾前第一次夾做拍檔就已經好有化學作用，cp感滿滿，所以我會話KS係靠自身實力贏得咁多fans一直真心支持😉！從前到現在，幾年間，我嘅感覺始終如一 。係我心目中，龔水👉🏻最強cp，KS👉🏻最佳拍檔，當之無愧，非你哋莫屬！既有演技又有顏值嘅演員，無論係開心速遞定係其他劇/戲，都值得大家捧場支持佢哋每次用心嘅演出🙌🏻！
正如修哥所講：堅持落去，總有一日出頭！心存希望💫，有實力嘅演員🦾，總會被看見、認同😉！開心速遞繼續拍落去，願你哋拍攝工作順利之外，亦希望Stanley & 蟹蟹嚟緊能夠有更多演出機會可以發揮演技，進一步開拓戲路，得到更多觀眾嘅支持肯定、同行嘅賞識；或有其他新嘗試新挑戰，讓大家睇到不一樣嘅張景淳，不一樣嘅呂慧儀，繼續加油加油啊💪🏻💪🏻 !! 最後，想再次感謝KS當晚完show後耐心地同fans逐一影合照🙇🏻♀️。仲記得我簽完名之後聽到蟹蟹話第二朝要08開工，心裏面確實係有點唔好意思😣。多謝你哋，大家當晚真係好開心好興奮呢!!!
ks x fans
Camera is the best tool to capture Happy Moments 📸
And Happy Memories will keep lingering in my mind forever and ever 💭
Never Fade 💛
— 2021.06.25 隨心小莓🍓
#小莓願望成真🧞♂️
#當晚我實在太興奮🥳
#興奮到返到屋企望住個天光曬都唔捨得瞓😆
#一路睇相一路不停係度傻笑🤣
#感謝KS🙇🏻♀️
#亦多謝各位龔水粉一齊high一齊渡過超開心嘅一晚🤩
HashTags
#龔水 🏹💧
#龔燁 🏹🍃#張景淳
#熊若水 🐻💊💧#呂慧儀
#迎難而上 #堅持到底 #堅定支持龔水CP
#最強CP #最佳拍檔 #KS #KungShui #KonnieStanley
#龔水CP #龔水線 #龔水故事 #每晚8點準時收睇
#愛回家之開心速遞 #愛回家 #開心速遞 #❤️🏠😊📦
#龔水FanArt 🖌🎨 #龔水FanVideo🎞📽
#隨心而畫😌 #隨心製作😌 #有感而發💭 #不專業的閒時之作😆
#沒有經驗 #但有耐性 #不懂技巧 #只憑感覺
#慢慢嘗試 #享受過程 #盡力完成
#分享給喜愛龔水KS的觀眾 #我愛龔水💛
#如轉載畫作/短片/感受文請註明出處
[ig: 🔎 @just_follow.your.heart, @_share.thoughts_ ]
[Youtube: 🔎 隨心小莓 just follow your heart]
